Sturla Snær í 20. sæti í N-Ameríkubikar í Kanada

Sturla Snær Snorrason og Hólmfríður Dóra Friðgeirsdóttir, landsliðsfólk SKÍ kepptu í gær í svig í N-Ameríkubikar, sem fram fór í Nakiska í Kanada.

Sturla endaði í 20. sæti í mótinu sem gaf honum 45.19 FIS stig.  Alls voru 120 keppendur skráðir í mótið og var hann með rásnúmer 47 í fyrri ferðinni en nr. 4 í seinni ferðinni.  Virkilega gott mót hjá Sturlu, þó svo að hann hafi verið aðeins frá sínum besta árangri á heimslista FIS, þar sem hann er með 36.34 stig.  Fyrir árangurinn hlaut hann einnig 11 stig í stigakeppni N-Ameríkubikarsins.  Úrslit mótsins má sjá nánar hér.

Hólmfríður Dóra féll því miður úr keppni í fyrri ferðinni í gær.  Úrslit mótsins má sjá nánar hér.

Þau Sturla og Hólmfríður keppa svo aftur í svigi á sama stað í dag.