SKÍ auglýsir eftir landsliðsþjálfara í alpagreinum

Skíðasamband Íslands (SKÍ) auglýsir eftir að ráða landsliðsþjálfara í alpagreinum.

 

Landsliðsþjálfara er ætlað að hafa umsjón með starfsemi og þjálfun landsliða SKÍ í alpagreinum. Viðkomandi þarf að vera tilbúinn til að vera töluvert á ferðum utan og innanlands. Stærsta verkefni landsliðsþjálfara er HM fullorðinna 2019 en auk þess verða nokkrar æfinga og keppnisferðir. Ráðning er til eins árs og er um hlutastarf að ræða.

Starfssvið landsliðsþjálfara
Yfirumsjón með þjálfun landsliða SKÍ í alpagreinum
Umsjón og skipulagning æfinga og keppnisferða í samstarfi við skrifstofu SKÍ
Samskipti við landsliðsfólk
Samstarf við fræðslunefnd SKÍ um menntun þjálfara

Menntunar og hæfniskröfur
Reynsla af þjálfun á afreksíþróttastigi
Þjálfaramenntun í alpagreinum sem nýtist í starfi
Hæfni í mannlegum samskiptum
Góð enskukunnátta er skilyrði. Önnur tungumálakunnátta er kostur
Frumkvæði og sjálfstæði í starfi

Leitað er að drífandi einstaklingi sem hefur brennandi áhuga á alpagreinum sem keppnisíþrótt sem getur unnið sjálfstætt og býr yfir yfirvegun og hæfni í mannlegum samskiptum.

Skíðasamband Íslands er sérsamband innan Íþrótta- og Ólympíusambands Íslands og er æðsti aðili skíðamála á Íslandi.

Umsóknum skal skilað með tölvupósti á netfangið ski@ski.is og umsóknafrestur er til og með 6.júní 2018.

Frekari upplýsingar veitir Jón Viðar Þorvaldsson, framkvæmdastjóri SKÍ, sími: 660-4752, netfang: ski@ski.is.

Enska útgáfu / English version here.