María vann mót í Bandaríkjunum!

María Guðmundsdóttir heldur áfram að gera frábæra hluti og sigraði svigmót í Bandríkjunum í kvöld. Í gær endaði María í 6.sæti en mótið í dag fór fram á sama stað, við Snowbird skíðasvæðið í Utah fylki. Eftir fyrri ferðina var María með annan besta tíman með minnsta mögulega mun, einungis 1/100 úr sekúndu. Sarah Schleper leiddi eftir fyrstu ferðina en hún er fyrrverandi landsliðskona frá Bandaríkjunum og á hún að baki einn sigur úr heimsbikar í svigi og nokkur verðlaunasæti, í dag keppir hún fyrir Mexikó. Í seinni ferðinni var María einnig með annan besta tíman en vann mótið með 57/100 úr sekúndu. Fyrir mótið fékk María 24.65 FIS punkta og er það næst besta mótið hennar á ferlinum, á eftir mótinu sem hún gerði í gærkvöldi. Með þessum tveimur mótum má gera ráð fyrir að María fari niður um 30-40 sæti á heimslistanum og verði ca. í kringum 175 á næsta lista. María mun færa sig yfir til Montana fylki á morgun og keppa þar á þremur mótum á næstu dögum. 

Hér að neðan má sjá tíu efstu úr mótinu í dag, hér má svo sjá heildarúrslit.