María í 3.sæti og frábærir punktar

Áfram heldur María Guðmundsdóttir að standa sig frábærlega, en hún varð í 3.sæti á svigmóti í gærkvöldi sem fór fram í Sky Blue skíðasvæðinu í Montana fylki. Mótið var háskólamót og ræsti María því aftarlega miðað við FIS punktastöðu sína eða númer 32, en á háskólamótunum er ræst eftir háskólastigum. Eins og áður segir stóð hún sig gríðarlega vel og endaði í 3.sæti, en það sem gerir árangurinn en merkilegri er að hún gerði sína bestu FIS punkta á ferlinum eða 18.50 FIS punkta. María er því búin að gera þrjú frábær mót frá áramótum og ætti því að fara í kringum 20 FIS punkta á næsta heimslista og hefur aldrei verið lægri. Ætti þessi árangur að koma henni í kringum 140.-150. sæti á næsta heimslista, en fyrir einungis viku síðan var hún í 210. sæti. María keppti einnig á tveimur stórsvigsmótum síðustu daga og endaði í 19. og 21.sæti og bætti sig lítillega í öðru mótinu.

Hér að neðan eru tíu efstu og hér má sjá heildarúrslit.