Keppnistímabilið byrjar vel hjá Degi og Kristrúnu

Dagur Benediktsson og Kristrún Guðnadóttir hófu keppnistímabilið um helgina. Þau kepptu bæði í sprettgöngu með hefðbundinni aðferð, 10 km með hefðbundinni aðferð og 10 km með frjálsri aðferð. 

Dagur endaði í 64. sæti í sprettgöngunni og komst ekki áfram upp úr sínum riðli. Í 10 km með hefðbundinni aðferð endaði hann  í 55. sæti  af 132  keppendum sem kláruðu. Síðan á sunnudaginn þá endaði hann í 51. sæti af 106 sem klárurðu í 10 km með frjálsri aðferð og var aðeins 1 mín og 53.2 sek  á eftir sem er virkilega vel gert. 

Kristrún koms upp úr sínum riðli í sprettgöngunni og endaði í 23. sæti eftir að hafa ekki náð að komast í úrslit. Hún endaði í 37. sæti í 10 km með hefðbundinni aðferð af 61 keppendum sem kláruðu og í frjálsri aðferð á sunnudaginn endaði hún í 44. sæti af 62 keppendum sem kláruðu. 

Það má því segja að tímabilið fari vel af stað hjá þeim.