Katla Björg, Gauti og Jón Erik hefja keppni á morgun á HM í Frakklandi

Keppni hjá íslensku keppendunum á Heimsmeistaramótinu í alpagreinum hefst á morgun, fimmtudaginn 16. febrúar, með keppni í stórsvigi.

Karlarnir okkar, Gauti og Jón Erik, keppa í undankeppni í Courchevel. Úr undankeppninni komast 25 efstu keppendurnir áfram í aðalkeppnina. Ef enginn íslenskur keppandi verður á meðal 25 efstu er þó ekki öll von úti þar sem Ísland á eitt sæti í aðalkeppninni sem fram fer á föstudag.

Engin undankeppni var hjá konum og keppir því Katla Björg í aðalkeppninni á morgun í Méribel.

Hægt verður að fylgjast með beinni útsendingu úr aðalkeppninni á RÚV.

Úrslit og lifandi tímatöku má finna hér hjá körlum og hér hjá konum.

Það verður spennandi að sjá hvernig þetta gengur á morgun og óskum við þeim góðs gengis.