Heimsmeistaramót í alpagreinum 2025 í Saalbach í Austurríki

Heimsmeistaramótið í alpagreinum fer fram í Saalbach í Austurríki dagana 4. -16. febrúar 2025

Ísland mun eiga 5 keppendur á mótinu í þetta sinn en landsliðsmennirnir okkar þeir Bjarni Þór Hauksson og Matthías Kristinsson afþökkuðu sætin sín sem og Elín Elmarsdóttir Van Pelt. Þau ætla að einbeinta sér að Heimsmeistaramóti unglinga sem fram fer í Tarvisio á Ítalíu 25. febrúar - 6. mars. Landsliðskonan okkar, Hólmfríður Dóra Friðgeirsdóttir úr Ármanni, verður sú fyrsta af Íslensku keppendum til að mæta til Saalbach en hún tekur þátt í brunæfingum 4. og 5. febrúar og keppir svo í risasvigi 6. febrúar og bruni 7. febrúar. Strákarnir hefja hinsvegar keppni 13. febrúar þegar þeir taka þátt í undankeppni í stórsvigi.

 

Íslenski hópurinn:

Hólmfríður Dóra Friðgeirsdóttir úr Ármanni tekur þátt í risasvigi, bruni, stórsvigi og svigi

Gauti Guðmundsson úr KR tekur þátt í stórsvigi og svigi

Jón Erik Sigurðsson úr Fram tekur þátt í stórsvigi og svigi

Sturla Snær Snorrason úr Ármanni tekur þátt í svigi

Tobias Hansen úr SKA tekur þátt í stórsvigi og svigi

Marko Špoljarić - landsliðsþjálfari

Branko Vasiljevic - aðstoðarlandsliðsþjálfari

Sigurður Nikulássin - aðstoðarþjálfari

Jusep Capel - skíðatæknir og aðstoðarmaður

Helgi Steinar Andrésson - sjúkraþjálfari

Brynja Þorsteinsdóttir - afreksstjóri SKÍ og farastjóri

 

Dagskrá íslensku keppendanna:

4. febrúar - Brunæfing kvenna

5. febrúar - Brunæfing kvenna

6. febrúar - Risasvig kvenna

7. febrúar - Brun kvenna

12. febrúar - Undankeppni stórsvig kvenna

13. febrúar - Stórsvig kvenna og undankeppni stórsvig karla

14. febrúar - Stórsvig karla og undankeppni svig kvenna

15. febrúar - Svig kvenna og undankeppni svig karla

16. febrúar - Svig karla

 

Það verður sýnt frá mótinu í beinni á RÚV.

Skíðasambandið óskar hópnum góðs gengis í Saalbach.

Heimasíða mótsins

Dagskrá, live timing og úrslit