Elsa Guðrún sigraði í undankeppninni á HM

Í dag fóru fram undankeppnir á HM í skíðagöngu sem fram fer í Lahti í Finnlandi. Elsa Guðrún Jónsdóttir gerði sér lítið fyrir og sigraði undakeppnina og það með yfirburðum. Í upphafi móts var Elsa Guðrún með áttundu bestu punktastöðuna inní undankeppnina og því leit út fyrir að það yrði hörku keppni um að komast í topp 10. Altt frá upphafi gekk Elsa Guðrún frábærlega og að lokum sigraði hún með rúmlega 20 sekúndum og er því komin í aðalkeppnirnar. Fyrir mótið fær Elsa Guðrún 126.83 FIS punkta sem eru hennar bestu á ferlinum.

Hjá körlum kepptu þeir Albert Jónsson, Byrnjar Leó Kristinsson og Sævar Birgisson. Enginn af þeim varð á meðal topp 10 og því komst enginn þeirra áfram. Sævar var framan af framarlega en endaði að lokum í 13.sæti. Albert Jónsson var að keppa á sínu fyrsta heimsmeistaramóti og endaði í 18.sæti og Brynjar Leó Kristinsson endaði í 23.sæti.

Öll úrslit má sjá hér.

Á morgun verður keppt í sprettgöngu og hefst keppni kl.15 að staðartíma. Elsa Guðrún ræsir númer 67, Sævar nr. 89, Albert nr. 107 og Brynjar Leó nr. 114.