Bjarni Þór, Jón Erik og Pétur Reidar kepptu í stórsvigi á HM unglinga í dag

Í morgun fór fram stórsvig karla á heimsmeistaramóti unglinga sem fram fer í Tarvisio á Ítalíu. 

Ísland átti þrjá keppendur, þá Bjarna Þór Hauksson úr Víking, Jón Erik Sigurðsson úr Fram og Pétur Reidar Pétursson úr KR. 

Jón Erik var með rásnúmer 49 og var í 49. sæti eftir fyrri ferðina, Bjarni Þór var með rásnúmer 64 og var í 46. sæti eftir fyrri ferðina en Pétur Reidar fór á innra skíðið í einni beygjunni og náði ekki að ljúka keppni. Bæði Bjarni Þór og Jón Erik áttu mun betri seinni ferð og Bjarni Þór endaði í 36. sæti og Jón Erik í 39. sæti.

Sjá úrslit hér

Á morgun fer fram svig kvenna á heimsmeistaramóti unglinga þar sem Sonja Lí Kristinsdóttir úr SKA mun taka þátt með rásnúmer 81. 

Hægt að horfa í beinni á FIS TV hér og á Youtube hér